Учора на канале RTVi мусіла адбыцца праграма з удзелам аднаго з расейскіх экспэртаў. Тэма гутаркі актуальная — нафта–газавы канфлікт між Расеяй і Беларусяй. Аднак беларускія гледачы праграмы не пабачылі. Гэта ўжо ня першая гісторыя з вышэйазначаным каналам.
Першае адключэньне каналу адбылася перад мінулымі прэзыдэнцкімі выбарамі. Мінулым летам гісторыя паўтарылася, толькі гэтым разам заміж праграмы «Акно ў Эўропу» гледачы глядзелі мультфільмы. Кіраўнік каналу Міхаіл Баршчэўскі патлумачыў тады, што на кампанію «Космос‑ТВ», якая рэтранслюе RTVi ў Беларусі, націснулі «зьверху».
З элемэнтамі інфармацыйнай вайны беларускія гледачы маглі пазнаёміцца ў мінулыя выходныя, калі на расейскіх каналах, трансляваных у Беларусі, аналітычныя праграмы і выніковыя навінавыя выпускі былі замененыя на праграмы забаўляльнага характару.
