Беларуская плыўчыха Аляксандра Герасіменя, якая на чэмпіянацесвету-2011 у Шанхаі выйграла золата на самай прэстыжнай дыстанцыі 100 м вольным стылем, адмовілася ад прапановы змяніць грамадзянства і выступаць за Расію.
Пра гэта спартсменка паведаміла сёння на
«Прадстаўнікі Расіі прапаноўвалі змяніць грамадзянства з прыцэлам на тое, каб выступаць за каманду гэтай краіны ў першую чаргу ў камбінаванай эстафеце. Абяцалі вельмі выгадныя ўмовы: кватэра, машына, зарплата, што ў дзясяткі разоў перавышае маю цяперашнюю. Але я адмовілася.
Для мяне гэта — пытанне ўнутранага канфлікту. Хаця расейцы ўсё яшчэ спадзяюцца і чакаюць», — сказала Аляксандра Герасіменя.
З вынікам 53,45 сек. падзяліўшы першае месца на 100 м вольным стылем з датчанкай Жанет Отэсэн, Аляксандра Герасіменя стала другой спартсменкай у суверэннай гісторыі Беларусі, каму ўдалося стаць чэмпіёнкай свету па плаванні. Першай у 2003 годзе была Алена Попчанка (на 200 м вольным стылем), праз два гады прыняла грамадзянства Францыі.
0
0
0
0
0
0
