«Белшына» выйграла ў «Гомеля» ў прапушчаным матчы 19-га тура чэмпіянату Беларусі па футболе (усяго згуляна 23 туры).
Бабруйскія футбалісты перамаглі з мінімальным лікам 1:0. Адзіны гол у сустрэчы забіў Генадзь Блізнюк на 71-й хвіліне.
Пасля 23-х тураў (усяго будзе згуляна 33 туры): БАТЭ — 49, Шахцёр — 40, Гомель — 35, Дынама Мінск — 32, Тарпеда Жодзіна — 31, Нафтан, Белшына — 30, Віцебск, Мінск — 26, Нёман — 24, Дынама Брэст — 23, Дняпро — 20.
Заўважце, ужо каторы тур падвал турнірнай табліцы прадстаўляюць усе каманды з абласных цэнтраў + сталічны «Мінск». Вынятак — каманда з Гомеля.
Матчы 24-га тура пройдуць 9–11 верасня. У пятніцу ў Салігорску «Шахцёр» згуляе з БАТЭ. У складзе барысаўскага клуба, магчыма, дэбютуе сербскі форвард Матэя Кежман, які падпісаў кантракт з клубам 31 жніўня.
11 верасня ў Мінску згуляюць «Дынама» і «Віцебск».
АГ
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ