Праваабаронцам з ПЦ «Вясна» нарэшце вярнулі сканфіскаваную падчас ператрусу 19 снежня 2010 года камп’ютарную тэхніку, носьбіты памяці, дыскі і касеты. Тэхніка вернутая 8 верасня ў поўным аб’ёме, яе тэхнічным станам зараз зоймуцца адмыслоўцы.
Аднак у праваабаронцаў з гэтай нагоды радасці мала, паколькі існуе вялікая верагоднасць, што сістэмнымі блокамі і ноутбукамі, якія знаходзіліся 9 месяцаў у руках экспертаў СУПР ГУУС Мінгарвыканкама, карыстацца ў праваабарончых мэтах небяспечна. І таму яна будзе перададзеная ў адзін з дзіцячых дамоў Беларусі.
Камп’ютары па вопісу перадаў следчы СУПРа ГУУС Мінгарвыканкама Д. Дышчанка.
Між тым яшчэ некалькі ноутбукаў, сканфіскаваных падчас другога ператрусу на «Вясне» 17 студзеня, дагэтуль знаходзяцца ў следчым упраўленні КДБ.
0
0
0
0
0
0
