Тысячы людзей выйшлі на вуліцы Трыпалі, каб ушанаваць памяць загінуўшых падчас лютаўскіх антыўрадавых выступаў, якія паклалі пачатак паўстання супраць рэжыму Муамара Кадафі.
Дэманстрацыя ператварылася ў імправізаваны парад перамогі. Сотні аўтамашын, напоўненых людзьмі ўсіх узростаў, праехалі па вуліцах лівійскай сталіцы.
Просьба уладаў устрымацца ад стральбы ў паветра ігнаравалася паўсюдна.
Між тым становішча ў Трыпалі паступова наладжваецца. Па дадзеных ААН, вадаправоднай вадой забяспечаны ўжо 90%жыхароў.
Некалькі дзён таму войскі Нацыянальнай пераходнай рады ўзялі пад кантроль сістэмы водазабеспячэння горада.
0
0
0
0
0
0