Гродзеншчына з помпай святкуе юбілей расійскай каланізацыі 26

Цяперашняя ўлада Беларусі выводзіць свой радавод ад каланіяльных структур, утвораных у захопленай Беларусі Расійскай імперыяй. Таму святкаванне 210-годдзя ўтварэння Губерніі стала для іх адпаведнай нагодай сабраць гасцей.

У горад над Нёманам з’ехаліся нашчадкі губернатара Міхаіла Асаргіна і паэта Адама Міцкевіча, захавальнікі спадчыны расійскага неліберальнага рэфарматара Пятра Сталыпіна.

На святкаванне 210-годдзя губерні ў Гродна прыехаў расійскі пасол Сурыкаў.

Аблвыканкам арганізаваў урачысты сход абласнога «саўпартактыва».

Ад брэсцкага «губернатару» гродзенскаму.

Губернатараў павесілі, у тым ліку жывых.

Яму спадабадася б: шыльда Сталыпіну выкананая па-расейску.

У Гродзенскую губерню ўваходзілі Гродна, Брэст, Слонім, Беласток, Кобрын, Друскенікі, Белавеж.

На факультэце гісторыі і сацыялогіі Гродзенскага дзяржаўнага ўніверсітэта імя Янкі Купалы прайшла прэзентацыя выставы «Гродзенская губерня ў дакументах Нацыянальнага гістарычнага архіва Беларусі ў горадзе Гродна». Сярод іх дакументы 1801-га аб утварэнні пяці губерняў, у тым ліку і Гродзенскай, пратакол, датаваны 1892 годам, аб дазволе шведскаму падданаму пабудаваць цырк у Гродна і пратакол 1915-га аб дазволе двараніну Завистовскому стварыць у горадзе кінатэатр. Ёсць дакумент аб адкрыцці ў Гродна алоўкавай фабрыкі і ўстаўная грамата маёнтка Грандзічы. Можна ўбачыць таксама штатны расклад працы чыноўнікаў. Асобна прадстаўлены матэрыялы часоў расійска-французскай вайны 1812 года, выпускі «Гродзенскіх губернскіх ведамасцяў» розных гадоў.

Яшчэ адну выставу падрыхтаваў аддзел краязнаўства абласной бібліятэкі імя Карскага. Тут захаваліся шматлікія губернскія штогоднікі-справаздачы, з якіх можна даведацца шмат цікавага з жыцця губерні з 1879 па 1913 гады.

У музеі гісторыі рэлігіі выстаўленыя партрэты кіраўнікоў губерні і вобласці. Напісаны яны мастаком Уладзімірам Качаном.

23 карціны — ад першага губернатара Дзмітрыя Кошалева, які кіраваў новаўтворанай губерняй з 1801 па 1803 гады, да нашых сучаснікаў: забіты пры нявысветленых абставінах Дзмітрый Арціменя, Сямён Домаш, Аляксандр Дубко, Уладзімір Саўчанка

. Партрэты адлюстроўваюць дух свайго часу і адначасова аб’яднаныя агульнай ідэяй.

Прайшоў у Гродне і круглы стол, прысвечаны Пятру Сталыпіну. Гэты будучы прэм’ер-міністр Расіі пэўны час кіраваў Гродзенскай губерняй.

На будынку аблвыканкама адкрылі памятную шыльду Сталыпіну — вядома, па-расейску.

Мікола Бугай; інф. Гродзенская праўда

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ