Да заўзятараў не выйшлі: У Мінск прыляцела «Барселона» 12

Рэйс затрымаўся на гадзіну, але амаль дзвюм сотням заўзятараў, што прыехалі ў Нацыянальны аэрапорт «Мінск», так і не ўдалося пабачыць сваіх улюбёнцаў.

Жыць «Барса» будзе ў «Crown Plaza», што ля стадыёна «Дынама».

Сёння вечарам у прэс-цэнтры на «Дынама» пройдзе прэс-канферэнцыя галоўнага трэнера каталонцаў Пепа Гвардыёлы і гульца Хав’ера Маскерана, а затым трэніроўка гасцей.

Матч 2-га тура групавога раўнду Лігі чэмпіёнаў БАТЭ — «Барселеона» пройдзе ў сераду 28 верасня на сталічным стадыёне «Дынама» і пачнецца ў 21:45. Усе білеты на матч прададзеныя.

Гвардыёла узяў з сабой у Мінск 20 футбалістаў.

варатары: Віктар Вальдэс і Хасэ Пінта,

абаронцы: Даніэл Алвес, Херард Піке, Карлес Пуёль, Эрык Абідаль, Андрэу Фонтас, Адрыану, Максвэл.

паўабаронцы: Сэск Фабрэгас, Хаві, Цьягу Алькантара, Хав’ер Маскерана, Сейду Кейта, Сэрхіа Бускетс, Жонатан дос Сантас.

форварды: Давід Вілья, Ліянель Месі, Педра Радрыгес, Ісаак Куэнка.

Сяргей Гудзілін

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ