Пра гэта заявіў міністр энергетыкі і прыродных рэсурсаў Танер Йылдыз. Ён патлумачыў гэтае рашэнне тым, што Расія адмовілася даць скідку на паліва ў тым памеры, які запрасіла Анкара.
Па словах міністра, цана на газ за апошнія 29 месяцаў паднялася прыкладна на 39%.
Гэта прымусіць Турцыю перагледзець кожны з кантрактаў па меры заканчэння іх тэрміну, заявіў Йылдыз.
Пра магчымасць адмовы міністр казаў яшчэ ў чацвер. Тады ж ён сказаў, што дамовы на пастаўку расійскага «блакітнага паліва» па іншых калідорах застаюцца ў сіле.
Пагадненне аб пастаўках расийскага прыроднага газу ў Турцыю, пра які ідзе гаворка, было падпісана ў 1986 годзе. Тэрмін яго дзеяння мінае ў снежні гэтага года.
У цяперашні час Турцыя атрымлівае газ з двух кірункаў: «заходнім маршрутам» праз Украіну і Балгарыю, а таксама з газаправоду «Блакітная плынь», трубы якога пракладзены па дне Чорнага мора, непасрэдна з Расіі.
У мінулым годзе Турцыя імпартавала каля 18 мільярдаў кубаметраў газу з Расіі. Гэта прыкладна 60% ад агульнага аб'ёму спажывання газу ў гэтай краіне.
Дыскусіі вакол цэн на газ для Турцыі шырока абмяркоўваліся ў расійскай прэсе на мінулым тыдні. Так, газета «Коммерсант» адзначала, што ў «Газпраме» і ўрадзе пазіцыю Турцыі ўспрымалі хутчэй як блеф.
Пры гэтым, як нагадваюць эксперты, Масква залежыць ад Анкары ў адным з найважнейшых энергетычных праектаў — будаўніцтве газаправода South Stream.
Паводле звестак «Коммерсанта», цана на газ для Турцыі значна ніжэйшая, чым для еўрапейскіх краін — $250 за тысячу кубаметраў супраць $350.
Знізіць цэны і змяніць умовы газавых кантрактаў раней спрабавалі такія еўрапейскія энергетычныя кампаніі, як германскія E.On, Wingas і RWE, італьянская Eni, аўстрыйская EconGas, фінская Gasum, а таксама французскія Gaz de France і GDF Suez.
