Мінчукі зноў пратэставалі на Кастрычніцкай
21 кастрычніка там прайшла акцыя салідарнасці з палітзняволенымі.
19.46
Пачынаюць працаваць недасяжныя ў часе акцыі сайты.
19.42 Фотарэпарцёр НН Сяргей Гудзілін кажа, што ў часе затрымання актывіста міліцыянты надзвычай груба дзейнічалі ў дачыненні да рэпарцёраў: білі на нагах, па фотатэхніцы, штурхаліся.
19.37
На Кастрычніцкай застецца каля 15-20 удзельнікаў акцыі. Людзі пачынаюць разыходзіцца.
19.30
На Плошчы пакуль усё спакойна. Пагрозы падагнаць аўтобус засталіся пагрозамі. На акцыю прыйшлі мамы Ірыны Халіп і Андрэя Саннікава. Каля іх адразу ж з'явіўся Яўсееў і папярэдзіў, што тут не месца для сустрэч.
19.18
Палкоўнік Яўсееў даў удзельнікам акцыі 2 хвіліны, каб разысціся. Журналістам параіў адысці ў бок і выклікаў па рацыі аўтобус. На Плошчы знаходзіцца каля 50 удзельнікаў акцыі.
19.16
Ад пачатку не працуюць сайты charter97.org, svaboda.org і belaruspartisan.org, а таксама Вконтакте.
19.13
Па словах нашага карэснадэнта, людзі абмяркоўваюць не толькі лёс палітвязняў, але і эканамічную сітуацыю ў краіне. У прыватнасці, рост цэн.
19.09
Пачаліся затрыманні. Людзі адбілі аднаго з маладых людзей, якога схапілі асобы ў цывільным. Успыхнула кароткая бойка. Другога адбівалі да самага мікрааўтобуса, але не здолелі. Гэта Аляксандр Валанцэвіч, актывіст «Еўрапейскай Беларусі». Жанчына паспрабавала прадэманстраваць улётку з тэкстам «Свабоду палітвязням», але «ціхары» вырвалі яе.
На плошчы ў месцы правядзення акцыі агулам знаходзіцца каля 100 чалавек, разам з журналістамі і міліцыянтамі. Удзельнікаў каля двух дзясяткаў. З імі размаўляе Ігар Яўсееў.
18.55
Як паведамляе карэспандэнт «НН», на дадзены момант на Кастрычніцкай плошчы сабралася некалькі дзясяткаў прадстаўнікоў прэсы. Заўважаныя і «ціхары», у дварах стаяць міліцэйскія аўтобусы. Доступ на плошчу вольны. Удзельнікаў акцыі ад простых мінакоў адрозніць пакуль складана.
* * *
21 кастрычніка ў Мінску актывістамі грамадзянскай кампаніі «Еўрапейскай Беларусі» запланаваная акцыя салідарнасці з палітзняволенымі. Яна павінна прайсці на Кастрычніцкай плошчы сталіцы.
У пятніцу ў Мінску адбыліся прэвентыўныя затрыманні патэнцыйных удзельнікаў мерапрыемства.
Цяпер чытаюць
Пасля 5 гадоў зняволення выйшаў на свабоду палітвязень Павел Юхневіч3
Каментары