HMR — гэта абрэвіятура словазлучэння Heavy Metal Rock, якое ў
У песнях з новага альбому IQ48 распавядаюць пра мас-медыя, кар'ерызм, эміграцыюі іншыя рэчы, з якімі мы сутыкаемся ўвесь час.
Спецыяльны госць на альбоме — рэпер Vinsent, разам з якім музыкі запісалі песню «Дай сілы!».
На прэс-канферэнцыі 26 кастрычніка музыкі адзначылі, што альбом, негледзячы на, мякка кажучы, не самыя вясёлыя тэмы песняў, застаецца пазітыўным: "Інакш — не мае сэнсу граць музыку і пісаць песні. Дастаткова зашыцца ў інтэрнэт і там выпускаць па песні ў год". Дарэчы, аўтарскага рэлізу альбома ў сеціве не будзе.
"Мы не будзем загаддзя выкладваць альбом у інтэрнэт, — кажа вакаліст Яўген Бузоўскі. — Усё адно праз тыдзень усе гэтыя песні з’явяцца ў сеціве.
Мы хочам, каб людзі куплялі музыку на дысках".
Альбом быў запісаны цягам году — ад напісання першай песні і да запісу апошіх партый. Каму будзе цікавы HMR? Звычайна гурты, якія ўжо зрабілі сабе імя, запісваюць якасныя альбомы, якія цяжка зразумець тым, хто не чуў гурта раней. З IQ48 такога не адбылося —
HMR падыходзіць дзеля таго, каб з яго распачаць знаёмства з IQ48.
Хочаце песняў? Яны будуць
на канцэрце-прэзентацыі 4 лістапада ў клубе RE:PUBLIC (Прытыцкага 62), там можна набыць альбом. Пачатак а 19.00.
Цана квіткоў: ад 30 да 50 тысяч рублёў. Даведкі па тэлефоне (29) 564-55-81.
