Грамніцы – палавіна зіміцы. Грамніцы – маразоў палавіцы. Як на Грамніцы певень нап’ецца вадзіцы, дык на Юр’я наесца травіцы. Як на Грымніцы адліга, з ураджаю будзе хвіга. Грамніцы -- скідай рукавіцы... Столькі прымавак пра гэтае сьвята, калі сонца павяртае на вясну, зусім на вясну.
На Грамніцы ў цэрквах сьвяцяць сьвечкі. Іх называюць грамнічныя сьвечкамі. Калісьці яны аберагалі хаты ад перуна. Цяпер яны аберагаюць нас ад забыцьця.
2 лютага – каталіцкія, 15‑га – праваслаўныя Грамніцы. Дакладная царкоўная назва сьвята ‑‑ «Сустрэча Госпада нашага Ісуса Хрыста», «Срэценьне» ў царкоўнаславянскай традыцыі.
Гэта – нашы сьвяты.
0
0
0
0
0
0
