Згодна з новым генплянам разьвіцьця Воршы да 2020 г., 70% новага жыльля будуць складаць шматкватэрныя дамы, 30% — індывідуальная забудова.
Праз будаўніцтва апошняй хочуць злучыць Воршу з спадарожнікам, горадам Барань. Зоймуцца рэканструкцыяй мастоў на Дняпры ды Аршыцы. Усе яны ня ў добрым стане. Першым пачалі будаваць бэтонны масток праз роў па вуліцы Замкавай. Здаць у эксплюатацыю яго мусілі яшчэ ў лістападзе. Не здалі.
Улады спадзяюцца, што ад праблемаў разьвіцьця гораду не застануцца ўбаку й месьцічы: ля будынку гарвыканкаму зьявілася чырвона-зялёная скрыня «Для прапаноў па разьвіцьці гораду». Відаць, для тых, хто саромеецца зайсьці ў мясцовы «Ўайт Гаўс».