Амэрыканскія навукоўцы вызначылі, якая частка мозгу адказвае за схільнасьць да альтруістычных альбо эгаістычных паводзінаў.
Дасьледчыкі з Мэдыцынскага цэнтру Унівэрсытэту Д’юк (Паўночная Караліна) перакананыя, што такога роду паводзіны зьвязаныя з патылічнай скроневай верхняй баразной мозгу.
Студэнты, якія ўдзельнічалі ў гэтым экспэрымэнце, бавіліся ў разнастайныя гульні, а выйграныя грошы яны маглі пакласьці або сабе ў кішэню, або на рахунак выбраных дабрачынных арганізацыяў. Разам з тым, кожны з удзельнікаў быў дасьледаваны мэтадам магнітнага рэзанансу мозгу.
Дасьледчыкі спадзяюцца, што іх адкрыцьцё дапаможа ў распрацоўцы мэтадаў разьвіцьця цэнтру альтруістычных паводзінаў ужо ў раньнім дзяцінстве.
0
0
0
0
0
0
