90+3
Усё, БАТЭ прайграў.
90+1
Суддзя дадае тры хвіліны да асноўнага часу.
90-ая
Забіць так і не ўдаецца. На жаль, 0:1. Шанцы на працяг барацьбы застаюцца прывіднымі. Для гэтага трэба перамагаць «Барселону» ў гасцях.
87-ая
Ганчарэнка адпраўляе ў атаку Сіміча, але і гэта не дапамагае. Заўзятары расчараваны пацягнуліся да выхаду.
83-яя
Не хапае БАТЭ апошняга пасу. Часу яшчэ крыху засталося.
77-ая
Паныла неяк апошнія хвіліны. Не хапае глыбіні і думкі атакам БАТЭ. З чымсьці падобным на навал чэхі спраўляюцца без праблем. Яшчэ паспяваюць і ў кантратакі бегаць.
Вось і Кежман з’явіўся. Чакаем цудам ад яго.
69-ая
Гутар злавіў кураж. Цягне проста неймаверныя мячы. А яшчэ паспявае ў косці ўсыпаць абаронцам.
Паўлава мяняе Гардзяйчук. Можа, варта было б і Кежмана кінуць у бой.
65-ая
Нехта з гульцоў БАТЭ падае ў штрафной «Вікторыі». Абурэнне трыбун адчувае на сабе галандскі арбітр — пенальці ён не прызначыў.
59-ая
Атакуе БАТЭ, стараецца. Толькі вось выніку як не было, так і няма. Гуляць яшчэ паўгадзіны.
Адыграцца трэба хаця б за Гутара. Ну так ён стараецца ў варотах. Палявыя гульцы, патрымаеце брамніка?
53-яя
Трыбуны троху ажывіліся. Гоняць сваіх любімчыкаў наперад.
Пры абсалютным статычным становішчы абаронцаў на вароты выводзілі Райтарала. Гутар у блізкім боі на вышыні.
Небяспечна атакаваў цяпер ужо БАТЭ. Мяч слізгануў па перакладзіне, але дабіць яго ў вароты не было каму.
46-ая
Чаю футбалісты папілі, трошку сагрэліся. Тайм другі.
Туман яшчэ мацнейшы. Можа, стаўка на далёкія ўдары ўрэшце дасць плён?
45-ая
Гол трошку абудзіў нашых. Было дзве талковыя атакі. Але безвыніковыя. На перапынак.
43-я
Дагуляліся. «Вікторыя» адкрыла лік пры канцы першага тайма. Тое самае было і ў Празе. Забіў Марэк Бакаш — 0:1.
Балельшчыкі пацягнуліся па беляшы ды чай, не чакаючы свістка на перапынак. У прынцыпе, гол вынікаў з хады паядынка.
38-ая
Чэхі атрымалі першае папярэджанне ў гульні. Бістронь сфаліў на Брэсане ў цэнтры поля. А вось штрафны разыгралі бяздарна.
Бачнасць усё пагаршаецца. Туман гусцее з кожнай хвілінай. Разглядаць нумары футбалістаў становіцца ўсё больш складана.
Удар Валадзько абуджае трыбуны. Эфектна, але Чэх усё бачыў.
33-я
Атмасфера ля варот БАТЭ ўсё болей накаляецца. Абарона і Гутар спраўляюцца. Часта даводзіцца звяртацца да так нелюбімага вынасу.
БАТЭ кантралюе мяч у цэнтры поля. Да варот падыходзіць не адважваецца. Балельшчыкі абураюцца. Усё канчаецца далёкім ударам. Як думаеце, які вынік? Зноў міма.
26-ая
Гутар
А ўжо потым не дае забіць Шэвінскі пасля розыгрышу вуглавога. Чэхі падаюць іх вельмі многа.
Пара над стадыёнам, як у лазні. Каб яшчэ і цёпла так было.
21-ая
Туман узмацняецца. Здаецца, пры падобным надвор’і БАТЭ ўжо гуляў у Лізе чэмпіёнаў тры гады таму, супраць «Зеніта». Далёкія ўдары БАТЭ
Цудоўны момант меў Рэнан Брэсан. Скарыстаўся памылкай абаронцы. Прабег з мячом з цэнтра поля, але зноў вышэй варот. Нарэшце і ў БАТЭ пачало нешта ўдавацца ў атацы.
17-ая
Выглядае, што футбол будзе без асаблівай аглядкі на свае вароты. Каманды больш цікавяць чужыя. «Вікторыя» падае ўжо пяты вуглавы. Цяжка БАТЭ ў першай палове тайма. Заціснулі нібыта гэта зусім не «Вікторыя», а «Барселона» зноў наведала Мінск. Хаця не, «Барселона» б ужо такімі момантамі скарысталася.
БАТЭ спрабуе пагражаць варотам Чэха шляхам далёкіх удараў. Выгады гэта пакуль не прыносіць.
12-ая
Валадзько далёкім ударам правярае пільнасць Марэка Чэха. З пільнасцю ў яго ўсё нармальна.
Імклівая контратака БАТЭ прымушае балельшчыкаў першы раз узяцца за галавы. У тэмп біў Брэсан пасля паса Скавыша. На жаль, міма.
На стадыёнам апускаецца туман.
Пасы назад гледачам не падабаюцца. Неадабральна свісцяць. Нават на сваіх.
Гутар працягвае здзіўляць сваёй кацінай рэакцыяй.
6-ая
«Вікторыя» пакуль атакуе лепш. Мяч нават ударыўся аб сетку варот. Праўда, звонку.
У гасцях чэхам гуляць можа нават і лепш, чым дома. На чужых палях яны перамагалі такія крэпкія каманды, як «Русенборг» і «Капенгаген».
4-ая хвіліна
Не будзе Гутару лёгкага жыцця ў гэтай сустрэчы. Чэхі намякнулі на гэта ў самым пачатку сустрэчы. Ледзь выцягнуў мяч з кута.
А вось штрафны БАТЭ хоць і навёў лёгкую паніку, але небяспекі ў сабе не таіў.
1-ая хвіліна
Паехалі! Галандзец Кевін Блом даў свісток аб пачатку гульні. Нашы ў жоўтая форме, «Вікторыя» —
* * *
Стадыён запоўнены, відаць, працэнтаў на 70 ці нават трошку меней. Гучыць гімн Лігі чэмпіёнаў, як заўсёды, хвалююча. У такія моманты найлягчэй пранікнуцца атмасферай.
Дарэчы, у першай сустрэчы каманд у Празе была зафіксаваная нічыя 1:1. На пльзеньцаў адказалі мячом Рэнана Брэсана.
* * *
У выпадку перамогі над чэшскай «Вікторыяй» каманда працягне барацьбу ў
Надвор’е не вельмі халоднае, але імжыць. Людзей заўважна меней, чым было на матчах з «Барселонай» і «Міланам». Чэхаў на трыбунах, відаць, чалавек 25.
У асноўным складзе БАТЭ выйдуць Гутар — Юрэвіч — Канцавой — Валадзько — Брэсан — Скавыш — Паўлаў — Бардачоў — Філіпенка — Сіміч — Бага. Затое ў запасе застаўся Кежман.
