Група грамадзкіх актывістаў з Магілёва заявіла пра намер правесьці ўвесну 2012 году Кангрэс беларускіх нацыяналістаў. Неабходнасьць яго скліканьня яны тлумачаць дыскрымінацыяй беларускамоўнага насельніцтва, а таксама пагрозай страты Беларусьсю незалежнасьці.
«Мы наагул імкнёмся пазьбегнуць палітызацыі гэтага мерапрыемства і таму запрашаем у аргкамітэт усіх людзей, якім неабыякавы лёс Беларусі, незалежна ад іх палітычных ці грамадзкіх перакананьняў. На дадзены момант пагроза страты беларускай незалежнасьці становіцца рэальнай. Адзіная сіла, якая можа супрацьстаяць пагрозам незалежнасьці — гэта беларускія патрыёты, і цяпер надышоў час, прынамсі, скаардынаваць іх сілы», — заявіў магілёўскі актывіст Партыі БНФ Зьміцер Салаўёў.
Неабходна разам, заяўляе Салаўёў,
бараніць беларускую культуру, дамагацца адкрыцьця беларускамоўных навучальных устаноў, даваць адпор зьнявагам і абразам:
«Адным з асноўных пытаньняў, якое будзе ставіцца на кангрэсе, будзе пытаньне абароны культуры, бо безь яе няма нацыі, бяз нацыі няма краіны. Канкрэтныя дзеяньні будуць выпрацаваныя пад час працы Кангрэсу. Яго будзем намагацца правесьці ў Менску. Зразумела, будзем падаваць адпаведную заяўку. Аднак мы не выключаем і запасныя варыянты. Напрыклад, калі такая сытуацыя складзецца, то правядзём Кангрэс
Ініцыятыва правесьці Кангрэс беларускіх нацыяналістаў была агучаная 25 лістапада ў Львове. Як заяўляюць ініцыятары, ідэя кангрэсу паўстала пасьля таго, як стала вядома пра затрыманьне і зьдзекі магілёўскіх міліцыянтаў з актывіста «Моладзі БНФ» Андрэя Падаляка за тое, што ён гаварыў па-беларуску.
