Лукашэнка, Швед і хтосьці: «Рэакцыя грамадства на тэракт стала непрыемным адкрыццём» 18

«Швед адзначыў, што апошнім часам у СМІ з’яўляецца ілжывая інфармацыя, „мэта якой — аказаць ціск на ўлады і суд“. Паводле яго словаў, камусьці недаспадобы, што такое злачынства так хутка раскрылі».

«Тое, што адбылося, гэта, па-першае, «анамальна для Беларусі», па-другое, «недапушчальна», па-трэцяе, «загінулі людзі». «Па-чацвёртае, вось так нахабна, вы бачылі, як ён сябе паводзіў на допытах, ён стараўся забіць большую колькасць людзей», — падкрэсліў Лукашэнка. З іншага боку, працягнуў ён, ёсць бацькі асуджаных, частка грамадства, якая ўстала на абарону. «І вось пачынаеш усё гэта ўзважваць».

Вось што піша на гэта ў каментах адзін з чытачоў нашага сайта:

«Думаю, ключавое тут не бацькі, а ЧАСТКА ГРАМАДСТВА. Для Лукашэнкі, магчыма, рэакцыя грамадства на тэракт і стаўленне да «тэрарыстаў» стала адным з непрыемных і нечаканых адкрыццяў, кшталту Плошчы. Адсюль і гэтыя бяздарныя спробы, здавалася б, моцнай улады даказаць нешта (права забіваць, каго палічыць патрэбным) такой слабой і бязвольнай грамадзе.

Насамрэч, Лукашэнка стаў закладнікам сваёй жа палітыкі. 17 год хлусні і маніпуляцый, заказных працэсаў, пасадак за 5 патронаў. Нават, калі і дапусціць думку, што Канавалаў чорт з рагамі і мерыўся яшчэ тры бомбы ўзарваць, то ўсё адно [пасля ранейшых падманаў і фальсіфікацый] мала хто ў адэкваце ў гэта паверыць».

З каментаў на nn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ