У Наваградку міліцыя затрымала братоў, якія абрабавалі больш за 60 кватэр, паведамілі ў прэс-цэнтры УУС Гродзенскага аблвыканкама.
Два зводныя браты 1974 і 1986 гадоў нараджэння былі затрыманыя дзякуючы пільнасці жыхаркі старажытнага горада. Праходзячы вуліцай позна ўвечары, жанчына заўважыла ў акне першага паверха дома падазроных людзей і паведаміла ў міліцыю.
Як аказалася, на сумленні гэтых злодзеяў больш за 60 эпізодаў крадзяжоў. У асноўным браты дзейнічалі ў Брэсцкай вобласці. Ад крадзяжу да крадзяжу маладыя людзі ўдасканальвалі сваё "майстэрства": перасталі біць шкла, пачаўшы высвідроўваюць палатно шклопакетаў, выкарыстоўвалі рацыі для сувязі, выбіралі кватэры, дзе доўгі час адсутнічалі гаспадары. З жылля вывозілі разнастайныя каштоўнасці ад грошай і каштоўнасцяў да бытавой тэхнікі.
Раней на вочы міліцыі гэтыя людзі не траплялі. Падазраваныя затрыманыя і ўжо даюць паказанні.
