Галоўны дзяржаўны санітарны ўрач Расіі Генадзій Анішчанка настойліва рэкамендаваў грамадзянам паўстрымацца ад удзелу ў масавых вулічных акцыях.
Паводле яго слоў, важна ўлічваць узровень захворвання на грып і ВРВІ, што расце апошнім часам. «Масавыя зборы людзей на вуліцах могуць спрыяць хуткаму заражэнню з усімі наступствамі», — лічыць Г. Анішчанка.
Звярнуў увагу галоўны санітарны ўрач Расіі і на халаднаватае надвор’е, якое можа пашкодзіць людзям з хранічнымі і эндакрыннымі захворваннямі. Тым, хто ўсё ж мае намер удзельнічаць у масавых мітынгах, рэкамендуецца цёпла апранацца.
Характэрна, што сваю заяву Г. Анішчанка зрабіў за дзень да запланаванага апазіцыяй мітынгу на Балотнай плошчы.