Фота Аuto.onliner.by.
Фота Аuto.onliner.by.
Як паведамляе партал Аuto.onliner.by, на МКАД у раёне перасячэння з вуліцай Шаранговіча адбылася сур’ёзная аварыя з удзелам мікрааўтобуса «Газель» і легкавіка BMW. Паводле інфармацыі партала, «Газель» перамяшчалася з сярэдняга шэрага ў крайні левы і пры гэтым не прапусціла легкавік. Аўтамабілі сутыкнуліся, пасля чаго мірааўтобус пратараніў агароджу, выехаў за межы праезнай часткі і тройчы перакуліўся. Паводле папярэдняй інфармацыі, у аварыі пацярпела пяць чалавек. Яны атрымалі пераломы. Усе яны — пасажыры «Газелі». Усяго ў мікрааўтобусе было сем чалавек. Гэта супрацоўнікі будаўнічай арганізацыі.
Партал прыводзіць сведчанні ўдзельнікаў здарэння. Па словах кіроўцы «Газелі», ён вырашыў апярэдзіць легкавік, які ехаў перад ім. У люстэрка задняга віду пабачыў «БМВ», але «на прыстойнай адлегласці», таму і наважыўся на апярэджанне. Ён сцвярджае, што хуткасць «БМВ» была высокай.
Кіроўца легкавіка мяркуе, што не парушаў правілы і меў перавагу перад кіроўцам мікрааўтобуса.
Хто з іх мае рацыю, стане вядома па выніках экспертызы.