12–14 снежня праект Cinemascope прадстаўляе ў мінскім кінатэатры «Перамога» праграму «Цені Гуку». Беларускія гледачы змогуць пабачыць класіку нямецкага гукавога кінематографа. Паказ ажыццяўляецца пры падтрымцы Пасольства Германіі ў Рэспубліцы Беларусь.
У рамках праграмы — тры фільмы, знятыя ў перыяд ранняга гукавога кіно: 12 снежня быў прадэманстраваны фільм «М: горад шукае забойцу» (1931) Фрыца Ланга, 13і 14 снежня — «Трохграшовая опера» (1931) Георга Вільгельма Пабста і «Упыр: сон Алана Грэя» (1932) Карла Тэадора Дрэера.
Не адмаўляючыся яшчэ ад выразных прыёмаў, характэрных для нямога кіно (і ў прыватнасці, кіно нямецкага экспрэсіянізму), гэтыя фільмы разам з тым дэманструюць творчыя пошукі ў галіне кінамовы і зацвярджаюць гук у якасці элемента новай эстэтыкі.
13 снежня, Трохграшовая опера
Die Dreigroschenoper
Рэжысёр: Георг Вільгельм Пабст
Сцэнар: Леа Ланія, Бэла Балаш, Ладыслаус Вайда па аднайменнай п’есе Бертальда Брэхта
Аператар: Фрыц Арна Вагнер
Музыка: Курт Вайль
У ролях: Рудальф Форстэр, Карола Неер, Валеска Герт, Райнхальд Шунцэль, Фрыц Расп
Германія, 1931, 110 хв.
Лондан у нявызначаную эпоху. Вулічны спявак распавядае разявакам пра подзвігі Мэкі, бандыта і круцяля, які непадзельна пануе ў Соха. Пакінуўшы сваю сяброўку
Гэты фільм, зняты ў двух варыянтах, нямецкім і французскім (з адной і той жа групай, але рознымі акцёрамі), бліскуча спалучае англійскі гумар з нямецкім экспрэсіянізмам. Нягледзячы на тое, што праца Пабста выклікала абурэнне Брэхта і Курта Вайля, яна эстэтычна цэльная. Дэкарацыі і аператарская праца ствараюць чароўную атмасферу замкнёнага асяродка, а музыка здрадліва каментуе дзеянне фільма. Ні адна з наступных карцін Пабста не дасягнула падобнай паэтычнасці.
14 снежня Вампір: сон Алана Грэя
Vampyr — Der Traum des Allan Grey
Рэжысёр: Карл Тэадор Дрэер
Сцэнар: Крысцін Джулі, Карл Тэадор Дрэер па матывах кнігі Джозэфа Шэрыдана Ле Фаню «Праз цьмянае шкло»
Аператары: Рудальф Матэ, Луі Не
Музыка: Вольфганг Цэлер
У ролях: Джуліян Уэст, Морыс Шуц, Рэна Мэндзел, Сібіла Шміц
Германія, 1932, 73 хв.
Малады падарожнік Алан Грэй спыняецца ў гатэлі, які стаіць наводшыбе. Неўзабаве да яго заходзіць мужчына і пакідае пакет з надпісам: «Распакаваць пасля маёй смерці». Той жа ноччу Алан выходзіць з нумара і спачатку бачыць цені, якія шпацыруюць і танчаць без сваіх гаспадароў, а прыйшоўшы ў замак, размешчаны па суседстве, — як забіваюць яго нядаўняга наведніка, які аказваецца гаспадаром замка…
Дрэер напаўняе свой аповед атмасферай жаху, пераплятаючы сон і яву. Патрэбны эфект дасягаецца простымі сродкамі — зменай ракурсаў, асіметрычнай кампазіцыяй кадраў, драматычным асвятленнем, выявай, нібы затуманенай смугой, шумамі, стрыманымі жэстамі і мімікай акцёраў. Сам вампір узнікае ў апавяданні толькі эпізадычна. Няяснасць, двухсэнсоўнасць таго, што адбываецца, падкрэслівае і прозвішча галоўнага героя — Грэй.
Усе фільмы дэманструюцца на мове арыгінала з субтытрамі.
Пачатак усіх сеансаў у 19.00.
Кінатэатр «Перамога» (Інтэрнацыянальная, 20). Даведкі па т. :
Публікуецца на замову Пасольства Германіі ў Рэспубліцы Беларусь.
