Расійскі мільярдэр Прохараў хоча перакупіць «Коммерсантъ»

Мільярдэр Міхаіл Прохараў накіраваў аферты па куплі ВД «Коммерсантъ» цяперашняму ўласніку выдавецкага дома Алішэру Усманаву.

У аўторак паведамлялася, што Прохараў зацікавіўся выдавецкім домам, які апынуўся ў цэнтры скандалу ў сувязі з публікацыяй у апошнім нумары часопіса «Власть». У групе «Анэксім», якая належыць Прохараву, факт перамоваў па куплі «Коммерсанта» пацвердзілі, паведаміла РІА «Навіны».

Аднак

Усманаў заявіў, што не плануе прадаваць выдавецкі дом

і перамоваў з Прохаравым не вядзе.

У аўторак у ВД «Коммерсантъ» разгарэўся скандал. Гендырэктар «Коммерсант-Холдынгу» Андрэй Галіеў і галоўрэд часопіса «Власть» Максім Кавальскі былі звольненыя, гендырэктар Дзям’ян Кудраўцаў падаў заяву аб сыходзе.

У апошнім нумары часопіса «Власть» выкрываліся фальсіфікацыі выбараў, арганізаваныя пуцінскай партыяй «Адзіная Расія». Фармальнай прычынай звальненяў стала публікацыя фота перадвыбарчага бюлетэня з напісанай на ім нецэнзурнай лаянкай на адрас Пуціна.

СМ

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ