1 — Папяльцовая серада ў каталікоў.
1 — 425 гадоў (1481) з дня стварэньня Трыбуналу ВКЛ — найвышэйшага апэляцыйнага суду дзяржавы.
1 — 125 гадоў (паводле старога стылю) з дня забойства Аляксандра ІІ беларускім нарадавольцам Ігнатам Грынявіцкім.
4 — 50 гадоў таму ў Беластоку пачала выходзіць газэта «Ніва».
7 — 225 гадоў з дня нараджэньня Юзафа Завадзкага, слыннага віленскага друкара (1781—1838).
7 — 75 гадоў з дня сьмерці этнографа Паўла Дземідовіча (1871—1931). Паходзіў з коласаўскай Мікалаеўшчыны. Аўтар працаў пра беларускія народныя сьвяты.
7 — 75 гадоў з часу стварэньня Беларускай тэлеграфнай агенцыі (БелТА).
8 — 75 гадоў з дня нараджэньня Сямёна Падокшына (1931—2004), філёзафа й гісторыка-мэдыявіста, дасьледніка культуры Рэнэсансу й Рэфармацыі.
14 — 75 гадоў з дня нараджэньня празаіка Паўла Міська (1931), аўтара дзіцячай кнігі «Прыгоды Бульбобаў». Пераклаў «Мёртвыя душы», «Канька-Гарбунка».
14 — 75 гадоў з дня нараджэньня актора-купалаўца, народнага артыста Беларусі Паўла Дубашынскага (1931—2000).
19 — 75 гадоў з дня нараджэньня літаратуразнаўцы Генадзя Кісялёва (1931) — дасьледніка гісторыі беларускай культуры ХІХ ст., які знайшоў праўдзівыя імёны аўтараў паэмаў «Тарас на Парнасе» і «Энэіда навыварат».
19 — Дзень сьвятога Язэпа ў каталікоў і прэзыдэнцкія выбары ў Беларусі.
23 — 100 гадоў з дня нараджэньня кампазытара Ісака Любана (1906—1975), аўтара музыкі для песьні на словы Адама Русака «Бывайце здаровы, жывіце багата».
25 — Дзень Волі.
25 — Зьвеставаньне ў каталікоў.
27 — 100 гадоў з дня нараджэньня музыказнаўцы фальклярысткі Лідзіі Мухарынскай (1906—1987), заснавальніцы этнамузыказнаўчай школы ў Беларусі.
29 — 75 гадоў з дня нараджэньня Вікенція Дзьмітрыева (1931), трэнэра па мастацкай гімнастыцы. Ягонай вучаніцай была алімпійская чэмпіёнка (1972) Тамара Лазаковіч.
30 — 50 гадоў з дня нараджэньня пісьменьніцы Хрысьціны Лялько (1956), галоўнай рэдактаркі часопісу «Наша Вера».