Ягор Зубовіч перайшоў з «Белшыны» ў «Ягелонію»

Беларускі футбаліст Ягор Зубовіч падпісаў чатырохгадовы кантракт з «Ягелоніяй», паведамляе афіцыйны сайт польскай каманды.

Клуб з Беластока выкупіў форварда ў бабруйскай «Белшыны», за якую той павінен быў выступаць яшчэ адзін год.

Беларус зрабіў на трэнерскі штаб польскай каманды добрае ўражанне пасля лістападаўскага прагляду.

29 лістапада Зубовіч вызначыўся за каманду, што складалася з гульцоў, якія прыехалі на прагляд у «Ягелонію» супраць дружыны, у якую ўвайшлі гульцы дубля «Ягелоніі», а таксама футбалісты, што рэдка трапляюць у асноўны склад каманды з Беластока.

У мінулым сезоне форвард правёў за бабруйчан 32 матчы, у якіх забіў 11 мячоў.

У чэмпіянаце Польшчы «Ягелонія» займае 10-е месца (гуляюць 16 клубаў) з 22 баламі. Лідзіруе ў чэмпіянаце Польшчы «Шлёнск» з 37 баламі, у «Леха», за які выступае беларус Сяргей Крывец, 5-е месца і 28 балаў. Чэмпіянат заходніх суседзяў зараз на вакацыях і адновіцца 18 лютага.

Goals.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ