У фэйсбуку на акаўнце Femen прыкладна ў 22:00 з’явілася наступнае паведамленне:
«Тэрмінова! Увага! Дапамажыце! У Беларусі зніклі актывісткі FEMEN.
З 18.00 па кіеўскім часе (19:00 па Мінску) актывісткі FEMEN перасталі выходзіць на сувязь, а праз гадзіну ў іх усё тэлефоны былі адключаныя.Зніклі удзельніцы антылукашэнкаўскай акцыі «КГБатька» — Шаўчэнка Іна, Шачко Аксана, Нямчынава Аляксандра, а таксама
Звяртаемся за дапамогай да ўсіх, будзем ўдзячныя за любую інфармацыю аб месцы знаходжання актывістак.
Просім карыстальнікаў ЖЖ і ФБ распаўсюдзіць інфармацыю аб знікненні дзяўчат. Усе звесткі дасылайце на пошту femen.ua @ gmail.com ці тэлефануйце па тэлефоне +38 (097) 967 17 53.
Кіраўніцтва Femen звярнулася па дапамогу ў пасольства Украіны ў Мінску.
23:50
Femen паведамляе, што выйшла на сувязь Кіці Грын.
Яна ў суправаджэнні людзей з КДБ была дэпартаваная ў Вільню.Зараз яна ў Вільні, у бяспечным месцы. У яе былі забраныя усё відэаматэрыялы.
Кіці не ведае, дзе астатнія дзяўчаты, яна іх не бачыла з раніцы -- Іна Шаўчэнка, Аксана Шачко і Аляксандра Нямчынава.
* * *
Нагадаем, што акцыя сёння была зладжаная каля беларускага КДБ. Напачатку ўкраінскім дзяўчатам удалося збегчы, была затрыманая журналістка Кіці Грын, якую потым удзень адпусцілі. Таксама былі затрыманыя відэааператар "Нашай Нівы" Таццяна Гаўрыльчык і фотакарэспандэнт Юлія Дарашкевіч. Іх адпусцілі а 21-й, сканфіскаваўшы тэхніку.