Максімальная розніца з усынавіцелем устаноўлена ў 45 гадоў 1

Дэпутаты палаты прадстаўнікоў нацыянальнага сходу прынялі сёння ў другім чытанні законапраект аб унясенні паправак у Кодэкс аб шлюбе і сям’і.

Адкарэктаваны больш за 120 артыкулаў кодэкса. У прыватнасці,

замацаваны абавязак мужа (былога мужа) прадаставіць утрыманне асобе, якая ажыццяўляе догляд агульнага дзіцяці-інваліда да дасягнення дзіцем 18 гадоў і непрацаздольнага дзіцяці.

Пры скасаванні шлюбу судом вызначаецца, з кім з бацькоў будуць пражываць дзеці, калі гэтыя пытанні не ўрэгуляваны пагадненнем аб дзецях.

Суд будзе абавязаны ўлічваць жаданне дзіцяці, якое дасягнула 10 гадоў,

пры ўстанаўленні парадку стасункаў з дзядулямі і бабулямі, з бацькамі, пазбаўленымі бацькоўскіх правоў, пры вяртанні ім правоў, а таксама пры выбары апекуна або папячыцеля, пры перадачы дзіцяці ў дзіцячы дом сямейнага тыпу, на патранатнае выхаванне.

Дакументам устаноўлена максімальная розніца ва ўзросце паміж усынавіцелем і дзіцем, якое ўсынаўляецца, — сорак пяць гадоў. Дапоўнены пералік падстаў для адмовы ў назначэнні ўсынавіцелем, апекуном, папячыцелем і прыёмным бацькам або маці, маці- або бацькам-выхавальнікам асобамі, хворымі на хранічны алкагалізм, наркаманію і таксікаманію.

У праекце закона таксама абазначана,

што орган апекі і папячыцельства абавязаны ажыццяўляць кантроль за выкананнем ускладзеных на прыёмных бацькоў,

бацькоў-выхавальнікаў дізцячых дамоў сямейнага тыпу абавязкаў па ўтрыманню, выхаванню і адукацыі дзяцей.

Нараўне з гэтым прававымі новаўвядзеннямі законапраекта з’яўляюцца скарачэнне тэрміну заключэння шлюбу з пятнаццаці да трох дзён з дня звароту ў ЗАГС. Прадастаўленне магчымасці рэгіставаць заключэнне шлюбу любым органам, які рэгіструе акты грамадзянскага стану, як у памяшканні органа, так і за яго межамі.

Акрамя таго, дэпутаты прынялі ў другім чытанні праект закона аб аказанні псіхіятрычнай дапамогі, папраўкі ў закон аб гарантыях па сацыяльнай абароне дзяцей-сірот і дзяцей, якія засталіся без апекі бацькоў, а таксама законапраект аб папярэджанні распаўсюджвання захворванняў, якія ўяўляюць небяспеку для здароўя, віруса імунадэфіцыту чалавека. Апошні, дарэчы, прадугледжвае магчымасць прымусовага медыцынскага агляду на наяўнасць ВІЧ або сацыяльна небяспечных захворванняў, а таксама прымусовай шпіталізацыі і лячэння такіх асоб.

БелТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ