ДТЗ зафіксавана 28 снежня ў 7.45 раніцы на вуліцы Паўночнай.
36-гадовая мясцовая жыхарка пераходзіла праезную частку ва неўстаноўленым месцы. Спачатку жанчыну збіў аўтамабіль «ВАЗ 21093», якім кіраваў 61-гадовы жыхар Кобрына. Ад удару пешаход упала.
У гэты час на дарогу з двара заднім ходам на «Аўдзі-100» выязджаў 40-гадовы мясцовы жыхар. Ён ўчыніў наезд на жанчыну, якая не паспела падняцца.
Пацярпелая з дыягназам закрытая чэрапна-мазгавая траўма, страсенне галаўнога мозгу і пераломам скроневай косці шпіталізавана ў Кобрынскую цэнтральную раённую бальніцу.
Па факце ДТЗ праводзіцца праверка. Устаноўлена, што пешаход была абазначана святлоадбівальнымі элементамі.
БелаПАН
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ