З 6 студзеня будуць штрафаваць за парушэнне патрабаванняў інтэрнэт-фільтрацыі 3

У Беларусі з 6 студзеня ўступаюць у сілу змяненні і дапаўненні ў Кодэкс аб адміністрацыйных правапарушэннях (КоАП) і Працэсуальна-выканаўчы кодэкс аб адміністрацыйных правапарушэннях (ПВКоАП), якія прадугледжваюць адміністрацыйную адказнасць за парушэнне патрабаванняў па выкарыстанню нацыянальнага сегмента сеткі Інтэрнэт.

З 6 студзеня штраф можа накладацца на інтэрнэт-правайдара за парушэнне патрабаванняў аб абмежаванні доступу карыстальнікаў інтэрнэт-паслуг да інфармацыі, забароненай для распаўсюджвання ў адпаведнасці з заканадаўчымі актамі. Абавязковая інтэрнэт-фільтрацыя ўведзена толькі для дзяржаўных органаў, выключаючы сілавыя ведамствы, і ўстаноў адукацыі. Для ўсіх астатніх інтэрнэт-доступ могуць абмежаваць толькі па жаданню самога карыстальніка.

Штраф за парушэнне патрабавання аб абмежаванні інтэрнэт-доступу можа скласці ад 10 да 30 базавых велічынь (350 тыс. — 1 млн 50 тыс._.

Акрамя таго, цяпер прадугледжана адміністрацыйная адказнасць для аператараў перадачы даных, інтэрнэт-кафэ і камп’ютарных клубаў у тым выпадку, калі яны не ажыццяўляюць ідэнтыфікацыю абаненцкіх устройстваў пры аказанні інтэрнэт-паслуг і (або) карыстальнікаў інтэрнэт-паслуг у пунктах калектыўнага карыстання, улік і захоўванне звестак аб абаненцкіх устройствах, персанальных даных карыстальнікаў інтэрнэт-паслуг, а таксама звестак аб аказаных інтэрнэт-паслугах. За парушэнне гэтых патрабаванняў штраф можа скласці ад 5 да 15 базавых велічынь.

Таксама штраф можа накладацца на індывідуальных прадпрымальнікаў і юрыдычных асоб,

якія рэалізуюць тавары або аказваюць паслугі, выкарыстоўваючы рэсурсы, сеткі і сістэмы, падключаныя да Інтэрнэту і размешчаныя не ў Беларусі. Да адміністрацыйнай адказнасці юрыдычная асоба можа быць прыцягнута таксама за выкарыстанне ў камерцыйных мэтах інтэрнэт-рэсурсу, які не прайшоў дзяржаўную рэгістрацыю. У выпадку парушэння гэтых патрабаванняў юрыдычная асоба або ІП могуць атрымаць штраф у памеры ад 10 да 30 базавых велічынь.

Службовыя асобы органаў унутраных спраў, органаў Камітэта дзяржаўнага кантролю, падатковых органаў і органаў дзяржаўнай бяспекі надзелены паўнамоцтвамі на складанне пратаколаў аб адміністрацыйных правапарушэннях, прадугледжаных змяненнямі і дапаўненнямі ў КоАП і ПВКоАП.

Патрабаванні аб ідэнтыфікацыі абаненцкіх устройстваў і да ажыццяўлення камерцыйнай дзейнасці з выкарыстаннем інфармацыйных сетак, сістэм і рэсурсаў нацыянальнага сегмента сеткі Інтэрнэт прадугледжаны ўказам № 60 ад 1 лютага 2010 года «Аб мерах па ўдасканаленню выкарыстання нацыянальнага сегмента сеткі Інтэрнэт»

БелТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ