Энэргетычныя кампаніі краіны будуць будаваць новыя энэргаблокі не на вугалі, на які раней абапіралася польская энэргетыка, а на газе. Яны супрацоўнічаюць з польскай газавай кампаніяй PGNiG. У Польшчы знойдзены найбольшыя ў Еўропы радовішчы сланцавага газу. Наватарскую тэхналогію яго здабычы распрацавалі амерыканскія кампаніі. Дзякуючы гэтаму цана газу на рынку ЗША цяпер упала да 95 даляраў за тысячу кубаметраў. Для параўнання, Расія бярэ з Беларусі 165, з Украіны — 416 даляраў за тысячу кубоў, а з Польшчы — 500 даляраў.
Першым газ мае даць радовішча Вейгерова, што каля Гданьска. Паласа радовішчаў цягнецца ад узбярэжжа Балтыйскага мора ўздоўж далінаў Віслы і Буга аж да Карпат. Калі прадказанні амерыканскіх геолагаў пацвердзяцца, Польшча забяспечыць газам патрэбы не толькі свае, але і часткі суседзяў па Еўрасаюзе.
Учора Мінск зноў затапіла. Чаму сталіца не гатовая да дажджоў?4
Каментары