61-гадовая гамяльчанка загінула, збітая дызель-цягніком Церахоўка — Гомель у Гомельскім раёне.
Як паведаміў прэс-сакратар упраўлення ўнутраных спраў на транспарце МУС Беларусі Аляксандр Марчанка, няшчасны выпадак адбыўся днём 8 лютага каля прыпыначнага пункта Лісічкі, калі пенсіянерка ішла з дачнага кааператыву на станцыю. Жанчына рухалася занадта блізка да пуцей, не рэагуючы на гукавыя сігналы, што падаваў машыніст, і ў выніку была збітая, магчыма, прыступкай вагона. Экстраннае тармажэнне дызель-цягніка не прадухіліла няшчаснага выпадку.
Дачніца паступіла ў бальніцу з дыягназам «спалучаная траўма, закрытая чэрапна-мазгавая траўма, удар галаўнога мозгу, закрытыя пераломы рэбраў, удар лёгкіх, рваная рана левага сцягна, траўматычны шок 3-4-й ступені, клінічная смерць». Праз паўтары гадзіны пасля здарэння жанчына памерла.
Вячаслаў Будкевіч, БелаПАН
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
