Мінскія епархія будзе выглядаць як пяцізоркавы гатэль — фоты 55
Дызайн ад кампаніі Юліі Скарынінай: нічога асаблівага, але і не аскетычна.
Архітэктурна-будаўнічая кампанія Юліі Скарынінай апублікавала рэндары інтэр’ераў будынку Мінскай епархіі Беларускай праваслаўнай царквы. Епархія ўвогуле — гэта рэзідэнцыя мітрапаліта.
«Афіцыйная рэлігія нашага архітэктурнага бюро — хрысціянства, а канфесія — праваслаўе. Таму праектаваць Мінскую епархію было для нас вельмі ганарова», — адзначаецца на сайце. Але інтэр’еры даволі банальныя: вельмі падобна выглядаюць, напрыклад, залы мінскага гатэля «Краўн-плаза». Калі б не сціплыя абразы на сценах, і не падумаў бы, што гэта царкоўны дом.
Інтэрнаўтаў жа найбольш зачапіла пышнасць будынка. «У такіх апартаментах толькі пра Бога і думаць», — напісаў на нашым сайце чытач Чылімка.