Акурат у Дзень закаханых, 14 лютага, музыка Зміцер Сасноўскі стаў бацькам дзвюх дзяўчынак.
Малых назвалі ў гонар прабабуляў — Паліна і Ксенія.
«Дзяўчынкі здаровыя, для двайнятаў беспрэцэдэнтна вялікія і добра важаць», —падзяліўся радасцю з «Нашай Нівай» наваспечаны бацька. Сам ён дачок яшчэ не бачыў, пакуль у радзільню не пускаюць. «Я толькі завожу, што патрэбна. Убачу, напэўна, толькі ў панядзелак», — кажа лідар «Старога Ольсы».
«НН» віншуе Насту і Змітра Сасноўскіх з папаўненнем і зычыць сям’і здароўя і дабрабыту.
0
0
0
0
0
0
