А.Глеб выйшаў у аснове «Крылаў» і аддаў дзве галявыя перадачы 2

Аляксандр Глеб, што ў пятніцу падпісаў кантракт з самарскімі «Крыламі Саветаў», выйшаў у асноўным складзе супраць аматарскага клуба ВХК (Галандыя, Д4) і адзначыўся двума галявымі пасамі (3:0).

Акрамя яго таксама ў аснову патрапілі цэнтральны абаронца Дзмітрый Верхаўцоў і галкіпер Сяргей Верамко. У складзе самарскай каманды ёсць яшчэ два беларусы — левы абаронца Дзмітрый Молаш і форвард Сяргей Карніленка, які ў гэтай гульні не прымаў удзелу з-за невялікага пашкоджання.

Глеб згуляў да 57-й хвіліны і пасадзейнічаў першаму і другому галам каманды (на 31-й і 46-й хвілінах). Трэці гол «Крылы» забілі пасля сыходу Аляксандра з поля.

football.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ