Культура2929

Стрэлачніка знайшлі: сфальшаваў вынікі галасавання на «Еўрафэсце» прадзюсар Баранаў

Нібыта, «па-чэснаму» за Litesound прагаласавала на 2 тыс. больш гледачоў, чым за Ланскую.

Памяняць вынікі галасавання гледачоў на «Еўрафэсце» распарадзіўся прадзюсер Дзмітрый Баранаў. Аб гэтым сёння на нарадзе з удзелам Лукашэнкі па выніках правядзення фіналу нацыянальнага тэлевізійнага музычнага праекта «Еўрафэст» паінфармаваў першы намеснік кіраўніка Адміністрацыі прэзідэнта Аляксандр Радзькоў, які ўзначальваў спецыяльную камісію.

«Камісія па ўсім ланцужку правяла праверку для аднаўлення сапраўднай карціны.

Устаноўлена, што вынікі галасавання журы сфальсіфікаваныя не былі.
Усе нашы апытанні паказалі, што ціску яны не адчувалі», — праінфармаваў Аляксандр Радзькоў. Ён адзначыў, што па выніках галасавання членаў журы на першым месцы была група Litesound, на другім — Алёна Ланская.

Пасля заканчэння працы журы на працягу 15 хвілін ішло галасаванне тэлегледачоў. «Былі адказныя асобы, перш за ўсё работнікі Белтэлерадыёкампаніі, якія як сістэмныя адміністратары адказвалі за падлік галасоў і сядзелі за камп’ютарамі.

Гэта было ў перасоўнай тэлестанцыі. Там прысутнічалі 7 чалавек. Ход галасавання абмяркоўваўся, быў адкрыты. Таму ўсе бачылі (і гэта пацвярджаюць прысутныя), што па тэлефанаваннях гледачоў і СМС група Litesound прыкладна на 2 тыс. абыходзіла Алену Ланскую, — распавёў Аляксандр Радзькоў. — Калі пасля падвядзення вынікаў у гэтую станцыю прыйшоў прадзюсар Дзмітрый Баранаў, яму паведамілі сапраўдную карціну.

Ён загадаў, каб далі вынікі, у адпаведнасці з якімі пераможцам была б Алёна Ланская. Гэтыя вынікі былі перададзеныя ў падліковую камісію і падсумаваныя».

Аляксандр Радзькоў далей растлумачыў, што ў Алены Ланской і ў гурту Litesound апынулася аднолькавая колькасць балаў, а па ўмовах конкурсу ў гэтай сітуацыі перавага аддаецца таму, хто атрымаў больш галасоў тэлегледачоў.

Ён таксама распавёў, што работнікі, якія знаходзіліся ў перасоўнай тэлестанцыі, захавалі на флэш-карце сапраўдныя дадзеныя. «Мы праверылі праз сервер «Белтэлекама». Яны ў дакладнасці супадаюць з тым, што было на флэшцы. Гэта значыць сапраўдная карціна ў нас ёсць. Па гэтых выніках перамагла група Litesound з розніцай амаль у 2 тыс. галасоў.

Мы доказна і дакументальна ўстанавілі, што вынікі галасавання тэлегледачоў былі сфальсіфікаваныя», — канстатаваў Аляксандр Радзькоў.

Усё гэта паведамляе агенцтва БелТА. Яно не паведамляе, аднак, чаму супрацоўнікі апаратнай паслухаліся загаду Баранава.

Каментары29

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос3

Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос

Усе навіны →
Усе навіны

Навукоўцы прааналізавалі 100 тысяч экзаменаў і вызначылі найлепшы час для іх здачы1

Тры версіі «Багіні кахання Мільды» экспануюцца адначасова ў Мінску, Варшаве і Вільні1

Будучы аб'ект Сусветнай спадчыны, які загубіла абыякавасць. Чым адметная Сцяпанкаўская царква, якая загінула ў пажары3

У Драздах гадамі не могуць прадаць дамы, звязаныя з набліжанымі да ўладаў людзьмі9

Германія перадала Украіне тры сістэмы Patriot2

У Шатландыі школьнік знайшоў на пляжы абломкі карабля XVIII стагоддзя

Студэнт прайграў у карты і пайшоў у краму па шакаладку абсалютна голы7

Адзначыла свой першы дзень нараджэння самае неданошанае дзіця свету1

Паставіць намёт — ад 70 рублёў, шаўрма па 20, душ за 10: як селёта праходзіць Viva Braslav13

больш чытаных навін
больш лайканых навін

Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос3

Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос

Галоўнае
Усе навіны →

Заўвага:

 

 

 

 

Закрыць Паведаміць