Выбары з участка карэспандэнта НН: Пуцін набраў 46,6% абноўлена; дадалося фота пратакола 25

Карэспандэнт «НН» прыняў удзел у падліку бюлетэняў на выбарчым участку № 3015 Масквы.

Згодна з яго вынікамі, перамогу святкаваў прэм’ер-міністр Уладзімір Пуцін. Але паловы галасоў ён не набраў, у яго 46,6%.

Калі б такія вынікі былі ў цэлым па краіне, Расію чакаў бы другі тур.

Другім на ўчастку № 3015 стаў мільярдэр Міхаіл Прохараў (21,1%), які ненашмат абышоў Генадзя Зюганава (17,4%). Аутсайдарамі сталі Сяргей Міронаў (6,3%) і Уладзімір Жырыноўскі (5,9%).

Падчас падліку назіралася поўная свабода — назіральнікам (карэспандэнту «НН» і двум актывістам КПРФ) дазвалялася стаяць каля самага стала падлікаў і нават пераправяраць бюлетэні, падлічаныя членамі камісіі.

Адметныя лічбы выязнога галасавання — камісія выязджала да людзей, якія не маглі самі прыйсці на ўчастак. Пераважна гэта інваліды і вельмі старыя адзінокія людзі. Дык вось,

сярод іх Пуцін набраў 74% галасоў.

Ягор Марціновіч, Масква

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ