Студэнты, якія ў школе здавалі адны тэсты, думаюць шаблонамі і не могуць сфармуляваць ніводнай свежай ідэі.Да такой высновы прыйшлі выкладчыкі Кембріджскага ўніверсітэта.
«На працягу многіх гадоў дзяцей адвучаюць нестандартна думаць і выказваць уласныя ідэі. У працах неабходна падаваць аргументы толькі ў вызначаным парадку і загадзя ўказанай колькасці, пісаць па гатовых шаблонах — гэта зніжае здольнасць вучняў думацьзаявілі прафесары гісторыі каледжа святога Яна ў Кэмбрыджы Роберт Томбс і Дэвід Абулафія.па-свойму », —
Прафесар Дэвід Абулафія кажа, што памылак, якія дапускаюць цяпер выдатнікі, раней не рабілі нават самыя слабыя вучні.
«Студэнты нацэленыя на пэўны вынік, ім проста няма патрэбы думаць», — сказаў ён.
Джон Макінтош, саветнік ўраду і былы дырэктар Лонданскай аратарскай школы, у якой вучыліся дзеці Тоні Блэра, лічыць, што вінаватая тэставая сістэма навучання. Яна ператварыла настаўнікаў і вучняў «літаральна ў робатаў».
«Дзецям проста даюць неабходныя для залікаў або экзаменаў факты, без усякага кантэксту, той мінімум, які ім патрэбны для атрымання ацэнкі», —заявіў Макінтош.
«Нават у Кембрыджы студэнты не ведаюць, як пісаць эсэ», — адзначаюць універсітэцкія прафесары. Пры гэтым яны могуць прайсці любы тэст без памылак, што «не робіць іх адукаванымі».
Джэры Джарвіс, які чатыры гады ўзначальваў савет Edexcel (найбуйнейшы экзаменацыйны цэнтр у Вялікабрытаніі), заклікаў да радыкальнай перабудовы сістэмы класіфікацыі, бо
выдатныя адзнакі ў тэставай сістэме адукацыі нічога не значаць.
0
0
0
0
0
0
