Парывы ветру дасягалі 26 м/с.
Жылы дом часткова абрынуўся з-за моцнага ветру ў Верхнядзвінскім раёне. Здарылася гэта ўвечары ў панядзелак, прыкладна а 21-й.
У выніку абвальвання цаглянага франтона ўнутр абкладзенага цэглай дома пашкоджана столевае перакрыцце ў двух пакоях. Агульная плошча абвальвання склала 10 кв. м. Гаспадыня дома 1958 года нараджэння і яе 79-гадовы бацька не пацярпелі.
Штармавы вецер пакінуў без электразабеспячэння 245 населеных пунктаў Беларусі.
Найбольш ад стыхіі пацярпелі тэрыторыі Віцебскай (Браслаўскі, Шумілінскі, Лепельскі, Віцебскі, Лёзненскі, Докшыцкі, Міёрскі, Аршанскі, Глыбоцкі раёны) і Мінскай (Бярэзінскі, Барысаўскі, Валожынскі, Дзяржынскі, Крупскі, Лагойскі, Любанскі, Мінскі, Маладзечанскі, Мядзельскі, Пухавіцкі, Слуцкі, Смалявіцкі, Сталбцоўскі, Уздзенскі, Чэрвеньскі раёны) абласцей.
Нягледзячы на тое, што рамонтныя работы па аднаўленні падачы электраэнергіі праводзіліся ўсю мінулую ноч,
пакуль без святла застаюцца 57 населеных пунктаў у Віцебскай і Мінскай абласцях. Аварыйныя брыгады працягваюць аднаўленчыя работы.
На шчасце, за мінулыя суткі ад моцнага ветру, парывы якога дасягалі 26 м/с, ніводны чалавек не пацярпеў. Пашкоджаныя дахі 2 жылых дамоў, 1 прамысловага і 5 сельскагаспадарчых будынкаў.
Цяпер чытаюць
«Адпусціце, калі ласка, сына!» Амерыканца з амнезіяй, які нелегальна прыехаў у Беларусь, не аддаюць маці5
Каментары