Афіцыйная частка імпрэзы ў Брукліне.
Урачыстасць у Нью-Брансвіку.
Беларуская грамада ў Нью-Ёрку адзначала 94-я ўгодкі абвяшчэння незалежнасці БНР у грамадскім цэнтры пры Кафедральным саборы БАПЦ св. Кірылы Тураўскага на Атлантык-авеню ў Брукліне.
Раніцай у царкве адбылася багаслужба і малебен за Беларусь, потым быў зачытаны Зварот старшыні Рады БНР Івонкі Сурвілы, выступілі намеснік старшыні Рады БНР Вячка Станкевіч, старшыня Галоўнай управы Беларуска-амерыканскага задзіночання Ганна Сурмач і старшыня Кансерватыўна-хрысціянскай партыі — БНФ Зянон Пазняк, а таксама Валянціна Трыгубовіч. Затым прайшла канцэртная частка імпрэзы.
Адзначэнне Дня Волі 25 сакавіка таксама адбылося і ў Нью-Брансвіку (Нью-Джэрсі) у форме ўрачыстага прыёму. У гатэлі Hyatt Regency адбыўся святочны банкет, выступілі ансамбль сям’і Казакоў, Сяржук Сокалаў-Воюш, а таксама Лявон Вольскі з Беларусі.
На імпрэзу сабраліся агулам блізу ста чалавек. Было шмат студэнтаў. Бальшыня прысутных была ў нацыянальных вышытых кашулях.