15 сакавіка на прапанову балгарскага дэпутата Крысціяна Вігеніна Еўрапарламент адклаў галасаванне па праекце рэзалюцыі аб сітуацыі ў Беларусі на наступнае пасяджэнне.
Галоўнай прычынай пераносу галасавання па рэзалюцыі было тое, што ў Брусэлі атрымалі сігналы з Беларусі пра тое, што афіцыйны Мінск гатовы на некаторыя пазітыўныя крокі. На думку Вігеніна, гэта можа быць вызваленне палітвязняў і запрашэнне паслам ЕС вярнуцца ў Мінск.
У праекце рэзалюцыі па Беларусі гаворыцца, што Еўрапарламент:
1. Працягвае рашуча асуджаць пагаршэнне сітуацыі ў галіне правоў чалавека і асноўных свабодаў, у спалучэнні з адсутнасцю глыбокіх дэмакратычных і эканамічных рэформаў у Беларусі, і будзе далей выступаць супраць ціску на праціўнікаў рэжыму ў Мінску;
2. Асуджае бесперапынны пераслед абаронцаў правоў чалавека і прадстаўнікоў дэмакратычнай апазіцыі, а таксама актывістаў грамадзянскай супольнасці і незалежных СМІ ў Беларусі па палітычных матывах;
3. Патрабуе безумоўнага і неадкладнага вызвалення ўсіх палітычных вязняў, нагадвае, што не можа быць ніякага прагрэсу ў дыялогу паміж ЕС і Беларуссю без прагрэсу ў галіне дэмакратыі, правоў чалавека і вяршэнства закона ў Беларусі; і пакуль не будуць безумоўна вызваленыя і цалкам рэабілітаваныя ўсе палітычныя вязьні, у тым ліку праваабаронца Алесь Бяляцкі, два
