У лютым 2012 года Беларусь зноў заняла першае месца сярод шэрагу краін СНД і Еўропы па росце спажывецкіх цэн. Параўнальныя звесткі апублікаваў Нацыянальны статыстычны камітэт.
Нагадаем, дагэтуль Беларусь больш за паўгода лідзіравала па тэмпах інфляцыі ў названым рэгіёне, і толькі ў студзені гэтага года яе апярэдзіла Венгрыя.
У лютым 2012 года адносна студзеня інфляцыя ў Беларусі склала 1,5%. У той жа час у Нарвегіі паказчык інфляцыі склаў 1%, у Балгарыі і Ірландыі — 0,9%, у Венгрыі — 0,8%, у Германіі — 0,7%, у Турцыі і Фінляндыі — 0,6%, у Італіі, Казахстане, Літве, Польшчы, Расіі, Эстоніі — 0,4%, у Славакіі, Украіне, Чэхіі — 0,2%, у Іспаніі і Латвіі — 0,1%.
Што да росту індэкса цэн на прадукты харчавання і безалкагольныя напоі ў лютым, то Беларусь займае шостае месца з паказчыкам 1,2%. Яе апярэдзілі: Турцыя — 2,1%, Венгрыя — 1,9%, Нарвегія — 1,8%, Балгарыя — 1,6%, Фінляндыя — 1,4%. За Беларуссю ідуць: Італія, Польшча, Германія, Латвія — 0,8%, Казахстан і Эстонія — 0,7%, Расія — 0,6%, Літва — 0,4%, Украіна і Чэхія — 0,3%, Ірландыя і Славакія — 0,2%, Іспанія — 0,1%.
У 2011 годзе ў Беларусі была зафіксавана самая высокая інфляцыя за апошнія 10 гадоў. За год спажывецкія цэны выраслі на 108,7%, у той час як, згодна з прагнозам
У 2012 годзе ўрад плануе ўтрымаць інфляцыю ў межах 19%.
