Балгарскі прэм'ер-міністр Бойка Барысаў абвясціў, што яго краіна канчаткова адмовілася ад планаў пабудовы расейцамі другой атамнай электрастанцыі на рацэ Дунай.
Балгарыя і Расея падпісалі дамову пра будаўніцтва АЭС больш як пяць гадоў таму, аднак генеральны кантракт так і не быў падпісаны.
Праект «Белене» прадугледжваў будаўніцтва АЭС з двума блокамі сумарнай магутнасцю да 2 тысяч мегават. Генеральным падрадчыкам выступаў расійскі «Атомстройэкспорт». Паводле балгарскага прэм’ера, краіна заплаціць за ўжо гатовы першы рэактар і ўстановіць яго да тых, што ўжо працуюць на першай і адзінай балгарскай атамнай станцыі «Казладуй».
Асноўнай прычынай адмовы ад расейскага праекту балгарскія ўлады называюць яго дарагоўлю — будаўніцтва магло б каштаваць каля 7 мільярдаў даляраў. Кіраўнік «Росатаму» (куды ўваходзіць «Атомстройэкспорт») Сяргей Кірыенка заявіў, што сумняецца ў мэтазгоднасці ўстаноўкі рэактара на «Казладуй». Паводле яго, гэта зойме ад 5 да 7 гадоў.
Туск заявіў пра гатоўнасць адкрыць Баброўнікі і Кузніцу з лістапада63
Каментары