* * *
Калі варажыць па картах гідрамета,
то, колькі нt клікай спасылку на сайт,
карты скажуць, што не будзе ніякіх камет,
але ўсё адно вясна падвісае,
няспешна чакае на красавік,
і марцавы кот таксама чакае,
і школьнік, і дачнік, і дамавік
на выбарах чарговых выбіраюць
дэпутата зямлі і адталых магілаў,
парламент будзе праўдзіць да Дзядоў,
калі Паўночная Каралеўна,
суворая, але такая мілая,
прывядзе легіёны белыя
і возьме ўладу зноў.
0
0
0
0
0
0
