Лукашэнка на каталіцкі Вялікдзень гуляў у хакей у Гродне і Мінску дадалося відэа 25

Каманда Аляксандра Лукашэнкі выйграла Пятыя рэспубліканскія спаборніцтвы па хакеі сярод аматарскіх каманд на прызы прэзідэнцкага спартыўнага клуба.

Парк Горкага цэлую нядзелю быў ачэплены. Сёння на Крытым катку ХК «Юнацтва-Мінск» каманда Лукашэнкі атрымала другую перамогу над дружынай Гродзенскай вобласці — 6:3 (5:0, 1:1, 0:2) у фінальнай серыі, якая працягвалася да дзвюх перамог аднаго з супернікаў.

На рахунку Лукашэнкі галявы пас.

БелТА асабліва адзначае ў вельмі падрабязнай справаздачы пра турнір, што гарадзенцы тройчы мелі колькасную перавагу, але ні разу не здолелі рэалізаваць большасць.

У суботу каманда Лукашэнкі выйграла ў Гродне з лікам 9:8.

Прыз найлепшага бамбардзіра ўручаны форварду каманды прэзідэнта Паўлу Беламу, які набраў балаў 27 (15 шайбаў + 12 галявых перадач). З прычыны траўмы ў фінальнай серыі ён не гуляў,

і па колькасці пунктаў Паўла дагнаў Андрэй Асташэвіч (12+15), аднак, раз на рахунку Белага больш галоў, то бамбардзірскі трафей дастаўся яму.

На рахунку А. Лукашэнкі (ён форвард, выступае пад нумарам 1) - 13 балаў (4+9).

БелТА зазначае, што ў пяцігадовай гісторыі спаборніцтваў пераможцамі станавіліся ўсяго дзве дружыны: каманда Лукашэнкі (2008, 2010, 2011, 2012) і зборная Гомельскай вобласці (2009).

Арганізатарамі пятых рэспубліканскіх спаборніцтваў па хакеі сярод аматарскіх каманд на прызы прэзідэнцкага спартыўнага клуба выступілі рэспубліканскае дзяржаўна-грамадскае аб’яднанне «Прэзідэнцкі спартыўны клуб», Міністэрства спорту і турызму, Федэрацыя хакея Беларусі, Мінскі гарвыканкам. Партнёр турніру — Беларуская калійная кампанія. Генеральны інфармацыйны партнёр — Нацыянальная дзяржаўная тэлерадыёкампанія Рэспублікі Беларусь.

Відэа БелТА