Мегазорка біятлона Рафаэль Пуарэ можа ўзначаліць зборную Беларусі
Ён прыляцеў на перамовы ў Мінск.
Учора ў Мінск прыляцеў знакаміты французскі біятланіст Рафаэль Пуарэ, які пасля завяршэння сваёй кар’еры пачынаў трэнерскую ў Нарвегіі — на радзіме сваёй жонкі
Апроч таго Рафаэль кансультаваў аднаго з лідараў нарвежскай зборнай Тар’е Бё, для якога, праўда, спаборніцкі перыяд не задаўся. У тым ліку стральба, за якую адказваў Пуарэ.
Прылёт такой значнай фігуры — трохразовага прызёра Алімпіядаў, васьміразовага чэмпіёна свету, чатырохкротнага ўладальніка Вялікага Крышталёвага глобуса — гэта падзея. Тым больш, калі гэта падзея пацвярджала чутку пра тое, што Пуарэ яшчэ раней было прапанавана ўзначаліць мужчынскую зборную Беларусі, змяніўшы на гэтай пасадзе Юрыя Альберса.
Пуарэ ўзяў час на роздум, а цяпер прыбыў у Мінск для перамоваў.
Сёння прайшлі яго перамовы са старшынём федэрацыі біятлона, кіраўніком КДБ Вадзімам Зайцавым.
Як паведаміў генеральны сакратар федэрацыі Анатоль Стромскі, Зайцаў і Пуарэ абмеркавалі магчымасць супрацоўніцтва славутага француза з беларускай зборнай. Праўда, паводе слоў генеральнага сакратара, пакуль невядома, у якім выглядзе і ў якой форме будзе адбывацца гэта супрацоўніцтва.
«Пакуль штосьці цяжка канкрэтызаваць. Не магу сказаць, у якім выглядзе будзе адбывацца супрацоўніцтва Пуарэ з нашай зборнай.
Таксама не магу назваць і тэрміны, калі будзе дакладнасць, тут шмат фактараў. Пуарэ пакіне Мінск заўтра»,— адзначыў Стромскі.
Цяпер чытаюць
Лукашэнка апраўдваецца за ідэю з прыездам 150 тысяч пакістанцаў — гэта, каб «захаваць наш народ»27
Каментары