Паўночнакарэйская ракета, на якой Пхеньян абяцаў даставіць на арбіту штучны спадарожнік Зямлі, развалілася праз хвіліну пасля запуску. За пускам ракеты сачылі службы Японіі, ЗША і Паўднёвай Карэі. Японія была гатова збіць ракету, калі б яна скіравалася ў бок астравоў.
Прадстаўнікі Пентагона паведамілі, што ракета нават не змагла пакінуць межаў атмасферы.Ракета развалілася на часткі да аддзялення ад яе другой ступені.
Афіцыйны Сеул, у сваю чаргу, паведамляе, што абломкі ракеты ўпалі ў паўднёвакарэйскія тэрытарыяльныя воды, каля
Журналісты тэлекампаній, акрэдытаваных у Пхеньяне, паведамляюць, што на тварах паўночнакарэйскіх чыноўнікаў была прыкметная трывога і нават паніка ў той момант, калі заходнія СМІ распавялі пра няўдалы запуск ракеты.
КНДР ажыццявіла запуск у 7.39 па часе Сеула (1.39 у Мінску). Журналісты CNN, запрошаныя ў Пхеньян ўладамі КНДР для дэманстрацыі аб’ектаў для запуску ракеты, заявілі, што афіцыйныя асобы Паўночнай Карэі не папярэдзілі іх аб пуску.
Для абмеркавання сітуацыі вакол дзеянняў Паўночнай Карэі, у пятніцу ў
Паўночная Карэя распрацавала атамную бомбу і актыўна распрацоўвае міжкантынентальныя балістычныя ракеты.Краінай кіруе дынастыя Кімаў, якія ўстанавілі вычварную дыктатуру. Спачатку яна грунтавалася на камуністычнай дэмагогіі, у апошнія гады — на ідэі «абароны незалежнасці» краіны.
Запуск ракеты павінен быў стаць кульмінацыяй святкавання100-годдзя з дня нараджэння Кім Ір Сэна, заснавальніка дынастыі.
Незвычайнасць моманту была ў тым, што Пхеньян прызнаў няўдачу. Тры ранейшыя аналагічныя пускі таксама былі няўдалымі, але ў двух з трох выпадкаў улады пры Кім Чэн Іру заяўлялі, што спадарожнікі выведзены на арбіту і транслююць «рэвалюцыйныя гімны».
Эксперты гавораць аб тым, што паўторны няўдалы запуск сведчыць пра слабасць ракетнай праграмы Паўночнай Карэі.
«Навукоўцы, інжынеры і спецыялісты цяпер высвятляюць прычыны аварыі», — заявіла паўночнакарэйскае агенцтва ЦТАК у камунікаце, які быў зачытаны таксама на дзяржаўным тэлебачанні.
Вайскоўцы Паўднёвай Карэі цяпер спрабуюць сабраць абломкі ракеты ў моры каля ўзбярэжжа.
На пабудову ракеты былі вытрачаны сотні мільёнаў даляраў. Гэта прытым што ў Паўночнай Карэі мільёны людзей недаядаюць, а краіна ўвесь час прымае харчовую дапамогу ад Паўднёвай Карэі, ЗША і Кітая. У выніку пастаяннага недаядання зменшыўся нават сярэдні рост карэйцаў. Нядаўна стала вядома, што ўлады Карэі знізілі мінімальны рост, пры якім бяруць на вайсковую службу, да 145 сантыметраў.
Раней Карэя вырабляла найпрасцейшыя ракеты, скапіяваныя з савецкіх узораў 1960-х гадоў.Цяпер Пхеньян замахнуўся на складаную, трохступеневую ракету. Такая моцна зацікавіла б таксама Іран і Пакістан, якім раней татаемна прадавала вайсковыя тэхналогіі Паўночная Карэя. Аднак не ўдалося.
