Сёння — вялікая футбольная субота

Субота, 21 красавіка, багатая на некалькі важных футбольных матчаў у Еўропе.

Пачнём з Беларусі. На мінскім стадыёне «Дынама», у матчы 6-га тура, згуляюць «Дынама» і БАТЭ.

Пасля 5 тураў «Дынама» займае 2-гі радок, на адзін бал адстаючы ад лідара «Шахцёра», у БАТЭ — 9 балаў, але на гульню меней.

Матч пачнецца, а 17-й гадзіне. Яго будзе паказваць канал «Беларусь-2», трансляцыя пачнецца ў 16:40.

У сталіцы Англіі сёння пройдзе лонданскае дэрбі:

«Арсенал» і «Чэлсі» (у гістарычнай традыцыі больш зацятае ў Лондане хіба толькі «Арсенал» і «Тотэнхем»). Гэта будзе матч 35-га тура. Падапечныя Арсена Венгера зараз займаюць 3-ці радок (64 балы, супраць 82-х у МЮ і 77 — у МС), у «Чэлсі» — 6-ы радок, 57 балаў, але на гульню меней. Перамога «сініх» дае шанец на трэцяе месца і месца ў групавым турніры Лігі чэмпіёнаў.

Трансляцыя матча пачнецца на «Беларусь-2» а 14:40.

Але самае-самае гучнае «эль класіка» пройдзе сёння ў сталіцы Каталоніі, дзе ў матчы 34-га тура чэмпіянату Іспаніі згуляюць «Барселона» і мадрыдскі «Рэал».

«Рэал» апярэджвае «Барсу» на 4 балы (85 балаў супраць 81), і ўчора трэнер каталонцаў Хасэп Гвардыёла заявіў, што калі пераможа «Рэал», то ён і стане сёлетнім чэмпіёнам (апошнія тры сезоны запар чэмпіёнства выйгравалі каталонцы, у тым ліку і А. Глебам).

Гульня пачнецца а 21-й паводле мінскага часу (яе трансляцыю можна будзе без праблем знайсці ў Інтэрнэце). Нагадаем, што ў матчы першага круга 10 снежня на «Санцьяга Бернабеу» «Барса» без праблем разабралася з «вяршковымі» — 3:1.

Праўда, не забываем, што абедзве каманды могуць згуляць у сёлетнім фінале Лігі чэмпіёнаў.

***