Беларусам перакрыюць доступ да танных патрыманых аўто 10

Урад Расійскай Федэрацыі мае намер ўвесці утылізацыйны збор, які зробіць нявыгодным увоз карыстаных аўтамабіляў у Мытны саюз.

«Гэта будзе такі памер утылізацыйнага збору, які не дазволіць ужываным аўтамабілям зноў у вялікай колькасці паступаць на адзіную мытную тэрыторыю», —

заявіў першы віцэ-прэм’ер РФ Ігар Шувалаў. Ініцыятыву, як заяўляецца, падтрымліваюць і іншыя краіны Мытнага саюза — Беларусь і Казахстан.

Папраўкі ў заканадаўства ўжо гатовыя, дзейнічаць яны пачнуць да таго, як расейцы ратыфікуюць пратакол аб уступленні ў Сусветную гандлёвую арганізацыю.

Паводле Interfax.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ