На сядзібе «Свабоднага тэатра», што на вуліцы Карастаянавай, павінен быў адбыцца паказ фільма "Апошні дыктатар Еўропы". Гэта брытанская стужка, да якой прыклаў руку вядомы Джуліян Асанж. Сеанс быў запланаваны на 19-ю гадзіну. Аднак ён так і не пачаўся, бо амаль у гэты самы час у дом уварваўся спецназ – выбілі дзверы. Людзей паставілі тварам да сценкі. Затрымана каля 20 чалавек. Пра гэта паведаміла праваабаронца Наста Лойка.
Урэшце людзей пратрымалі каля трох гадзін у Савецкім РУУС, дзе ім адкаталі адбіткі пальцаў, зрабілі фатаграфіі і ўзялі тлумачэнні. Сярод затрыманых былі непаўналетнія. Пратаколы ні на каго не складалі. Усіх адпусцілі.
0
0
0
0
0
0
