Мінгарвыканкам падрыхтаваў рашэнне аб закрыцці з 14 мая вуліцы Уманскай. Гэта звязана з неабходнасцю чарговага этапу работ па будаўніцтву метро ў паўднёва-заходнім накірунку. Патрэбна завяршыць збудаванне уваходаў і вентыляцыйны канал станцыі «Міхалова», а таксама рэканструяваць скрыжаванне вуліц Уманская і Гуркскага з праспектам Дзяржынскага.
Апроч таго, з 28 мая будзе перакрыты і ўчастак вуліцы Ясеніна.
У сувязі з гэтым будуць змененыя некаторыя аўтобусныя і тралейбусныя маршруты. Напрыклад, аўтобусы №57 будуць рухацца па пр. Жукава, вул. Чыгуначнай і Сямашкі ў абодвух напрамках без прыпынкаў на змененым участку
Траса тралейбуснага маршруту № 38 з боку ДС «Славінскага» праляжа да ДС "Сухарава" па вул. Панамарэнка, Шаранговіча, Лабанка. Маршруты № 10 і 31 скарачаюцца з боку вул. Гурскага да прыпынку «Уманская» з разваротам на скрыжаванні пр. Дзяржынскага і Жукава. Рух тралейбусаў маршрутаў № 8 і №63 арганізуецца да разваротнага кальца «Бабруйская" з рухам па вул. Гурскага, пр. Дзяржынскага, вул. К. Цэткін, Бабруйскай ў абодвух напрамках. А вось тралейбусныя маршруты № 45 і 47 закрываюцца.
На перыяд дзеяння гэтых зменаў
арганізуецца часовы аўтобусны маршрут № 198С «Ст. м. «Пушкінская» - ДС «Сямашкі».Яго траса пройдзе па вул. Прытыцкага, пр. Пушкіна, Жукава, вул. Чыгуначнай, Сямашкі ў абодвух напрамках.
Мяркуецца, што
працы будуць скончаныя да 1 верасня 2012 года.
