Найлепшыя бамбардзіры Беларусі завуцца Зміцер 1

Трыма матчамі 11-га тура сёння, 18 мая, скончылася першае кола чэмпіянату краіны па футболе ў вышэйшай лізе (першынство праводзіцца ў тры колы).

БАТЭ у Барысаве перамог мазырскую «Славію» 2:1 (Радзівонаў, 31, Брэсан 35, — Страхановіч, 46).

«Нёман» — «Гомель» — 0:3 (Шэракоў, 4, 11, Кашэўскі, 81).

«Шахцёр» — «Тарпеда» — 1:0 (Януш, 28).

Два матчы былі праведзеныя ў сераду: «Брэст» — «Мінск» — 0:1, «Дынама» Мінск — «Нафтан» — 4:2.

Становішча камандаў: БАТЭ — 27, Гомель — 23, Шахцёр — 19, Мінск, Дынама Мінск — 16, Белшына, Нафтан — 11, Славія — 10, Нёман — 8, Брэст — 7, Тарпеда — 6.

У гонцы бамбардзіраў лідзіруюць адныя Дзмітрыі:

Дзмітрый Мазалеўскі (БАТЭ) -- лідар гонкі -- мае 7 галоў, у Дзмітрыя Камароўскага (Шахцёр) і Ёвана Дам'янавіча (Дынама Мінск) -- па 5 мячоў, потым зноў ідуць два Дзімы: Асіпенка (Шахцёр) і Бага маюць па чатыры мячы, шэсць гульцоў маюць па тры мячы: Сяргей, Раман, Рэнан, Уладзімір. Алег і... Дзмітрый (Платонаў).

***

Матчы 12-га тура будуць згуляныя 24 мая,

апроч матча «Дынама» Мінск — «Гомель», што перанесены на 19 чэрвеня. Потым будзе ўзяты перапынак у чэмпіянаце да 11 чэрвеня.

У гэту нядзелю, 20 мая, на стадыёне «Дынама» пройдзе фінал Кубка Беларусі: «Мінск» — «Нафтан». Пачатак у 13:30, уваход вольны.

nn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ