Збіты за нацыянальны сцяг Андрэй Моўчан застаецца ў бальніцы
Міліцыя яго затрыманне не каментуе.
Каардынатар грамадянскай кампаніі «Еўрапейская Беларусь» Павел Юхневіч паведаміў, што Андрэй Моўчан знаходзіцца ў бальніцы хуткай медыцынскай дапамогі.
Андрэя Моўчана затрымалі ўвечары 19 мая ў сталічным раёне Уручча. Актывіст «Еўрапейскай Беларусі» выйшаў на вуліцу з бел-чырвона-былым сцягам у знак салідарнасці з палітвязнем Сяргеем Каваленкам. Ён рухаўся з узнятым сцягам ад універсама «Першамайскі» да вуліцы Русіянава. Ніякіх лозунгаў ён не выкрыкваў. Ён адмовіўся сядаць у машыну на патрабаванні міліцыянтаў без тлумачэння прычыны затрымання.
Калі актывіста сілай запіхвалі ў машыну, яго моцна патаўклі.
Пра гэта ён расказаў сястры, якую пусцілі да яго ў 11-ю бальніцу.
У пастарунку Андрэю пагражалі крымінальнай справай нібыта за абразу прэзідэнта і збіццё супрацоўніка міліцыі.
Юхневіч лічыць, што ніякая крымінальная справа ў адносінах да Андрэя не будзе распачата.
Па яго словах, міліцыянты надта брутальна затрымалі актывіста, і цяпер ім, напэўна, давядзецца даваць тлумачэнні ў пракуратуры. І таму яны паспрабуюць «забыцца» пра інцыдэнт.
Павел Юхневіч падкрэсліў, што праводзілася эксперптыза, якая пацвердзіла, што
Моўчан на момант затрымання быў цвярозым.
Прэс-сакратар ГУУС Мінгравыканкама Аляксандр Ластоўскі заявіў, што не мае «ніякай інфармацыі».
А таму пракаментаваць нічога не можа.
-
«Не проста запальваем, а адраджаем традыцыю». Ліхтаршчык з Брэста расказаў пра магію святла, гузік на ўдачу і старадаўнюю музыку
-
У вёсцы пад Брэстам мясцовыя жыхары рэгулярна канфліктуюць з адпачывальнікамі. Дайшло да абстрэлу электрамабіля
-
Беларусь займае другое месца па папулярнасці для студэнтаў з Расіі
Паветраная гімнастка паказала закуліссе працы ў Белдзяржцырку7
Каментары